Numri i rasteve pozitive me koronavirus në Kosovë vazhdon të jetë i lartë, përcjell InLajmi.
Sipas Instituti Kombëtar të Shëndetësisë Publike të Kosovës, numri total i rasteve pozitive me koronavirus deri më sot ka arritur në 5.877 raste nga 31,541 persona që janë testuar si të dyshimtë në virusin SARS-CoV-2, me gjithsej 139 raste të vdekjes të cilët kanë pasur sëmundje të tjera shoqëruese.
Pavarësisht numrit të lartë të të infektuarve, ditëve të fundit kemi pasur numër të madh edhe të personave të shëruar.
Deri më sot janë shëruar 3.069 pacientë, ndërkaq numri i rasteve aktive me koronavirus është 2.669.
IKSHPK ka apeluar te qytetarët, bizneset dhe gastronomia, që në mënyrë strikte të respektojnë distancën fizike, përdorimin e maskave, dezinfektimin dhe ajrosjen e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllura./InLajmi/
