Haliti-Hotit: Raporto në Qeveri dhe Kuvend për atë që biseduat me Vuçiqin

Ish-deputeti i Partisë Demokratike të Kosovës , Xhavit Haliti, ka kritikuar nismën e kryeministrit, Avdullah Hoit, për takim me liderët e partive politike në të cilin ishte planifikuar që të diskutohej për rrjedhën e dialogut të Brukselit, përcjell InLajmi.

Haliti një nismë të tillë e ka quajtur qesharake, derisa ka aluduar se Hoti bashkë me krerët e partive të tjera politike po synojnë të përjashtojnë sovranin nga një proces i tillë.

Postimi i plotë i tij:

Hoti, a mund ta sqaroni se çfarë është “Forumi i liderëve”? Kur është formuar dhe nga kush? Cilat janë kopetencat e këtij “kuazi forumi”? A është kushtetues? Ky “forum” a ka status institucional e Kushtetues? Si caktohet statusi i liderit që merrë pjesë në mbledhjet e këtij “forumi”? A është miratuar ky organ qesharak nga Kuvendi i Kosovës? Apo jeni i interesuar ta përjashtoni sovranin e të merreni me “pronarin”, me falni me “pronarët” e partive politike që deputetët e partive të veta i kanë vetëm si makineri votimi.
Z. Hoti, raporto në Qeveri e Kuvend për atë që biseduat me Vuçiqin në Bruksel. Kjo është detyra e juaj dhe obligimi i juaj kushtetues. Njoftoje edhe Presidentin.
E me kryetarët e partive është mirë të bisedoni për ndryshimin e Ligjit për Zgjedhjet dhe ta përgatitni atë.
Besoj që e dini që BE, SHBA dhe Britania e Madhe, kanë insistuar dhe insistojnë që të bëhet ligjit i ri zgjedhor./InLajmi/