Deputetja nga Partia Demokratike e Kosovës, Ariana Musliu-Shoshi, ka ndërmarrë iniciativën e parë konkrete për t’u ndihmuar nënat kosovare që lindin në spitalet publike përmes amendamentit ne ndryshim-plotësimin e Ligjit për Buxhetin e vitit 2020, përcjell InLajmi.
Ajo përmes një postimi në rrjetin social Facebook ka treguar se sot në Komisionin për Buxhet dhe Financa do të diskutohet dhe do të vendoset për propozim-amendamentin e saj që të miratohet pakoja me produktet elementare në mënyrë që t’u lehtësohet barra e grave që do të lindnin në spitalet publike.
Postimi i plotë i saj:
Të dashur qytetarë,
Të dashura nëna,
Kjo është iniciativa ime e parë si deputete e Kuvendit përmes së cilit kam propozuar që për secilën grua që lind në spitalet publike të Kosovës, të mbështeten me një pako në shumën prej 50 euro, me produkte të cilat janë esenciale për foshnjat e sapolindura si amandament në plotësim-ndryshimin e Ligjit për Buxhetin e Vitit 2020.
Jemi dëshmitarë që familjet kosovare nuk mund t’i përballojnë shpenzimet që mund të dalin për produktet që jenë të nevojshme me rastin e lindjeve. Këtë gjendje e ka rënduar tej mase edhe pandemia Covid-19.
Pakoja do të përmbante gjërat elementare e cila do t’ua lehtësonte barrën grave që do të lindnin në spitalet publike. Pako per bebe (foshnjë) do të perfshinë rroba, përparëse për bebe, vitaminat esenciale per bebe, pelenë për mbështjellje, pelena një përdorimshe, batanije, termometer, shampon dhe loction per bebe.
Ky propozim amendament do të diskutohet sot në Komisionin për Buxhet dhe Financa, për të cilin pres që të merr votën pozitive nga ana e deputetëve të këtij komisioni, në mënyrë që në seancën e radhës të miratohet përfundimisht e të hyjë si nën-kategori buxhetore në buxhetin vjetor për këtë vit dhe të vazhdojë e të rritet shuma në vitet e ardhshme./InLajmi/
