Bordi i Autoritetit Rregullator të Komunikimeve Elektronike dhe Postare, ka raportuar në Komisionin për Ekonomi, Punësim, Tregti, Industri, Ndërmarrësi dhe Investime Strategjike lidhur me blerjen e kompanisë IPKO, raporton InLajmi.
Gjithashtu edhe u.d kryeshefes ekzekutive për gjendjen në NP Telekomi i Kosovës Shqiprim Pula, anëtar i Bordit ka thënë se si ARKEP, nuk e kanë pranuar procesin e shitjes as nga Telekomi Slloven, dhe as nga IPKO.
Mes tjerash ai ka thënë se nuk kanë pranuar shkresë nga asnjë autoritet për blerje, si dhe asnjë ofertë.
Ai tha se Telekomi Slloven në korrik të 2019 ka nisur procesin e shitjes dhe që nga atëherë procesi është i pa përfunduar.
Pula ka thënë se kanë kompetenca të plota në vendimmarrje.
“Republika e Kosovës në institucionet e saja mund të ndërhyjë vetëm kur të konfirmohet procesi i shitjes”.
“Në momentin që shitet IPKO ata duhet të bëjnë kërkesë rishtas nëse mund tu barten detyrimet te subjekti i ri”.
Nëse nuk ka kaluar përmes neve shitja atëherë ne mundemi me ndalu, ka thënë anëtari i bordit të ARKEP, Hazir Hajdari.
Anëtarja e komisionit Mimoza Kusari-Lila është interesuar të dijë se si është funksioni i brendshme i ARKEPI-it.
Kusari ka thënë se pas publikimit të ftesës që do të ftohen ARKEP në komision, ata janë ftuar dy ditë më vonë nga kryeministri. Kusari ka thënë se takimi me ministra jo zyrtarisht është pa përgjegjësi e ARKEP-it.
Ndërsa, deputeti i VV-së Hekuran Murati ka thënë se është dashtë të kërkohen informata nga një kompani që operon në Kosovë./InLajmi/
https://vimeo.com/440258382
