Pas takimit të zhvilluar ndërmjet kryeministrit Avdullah Hoti dhe kryetarit të Partisë Demokratike, Lulzim Basha, kanë mbajtur konferencë për medie, raporton InLajmi.
Kryeministri Avdullah Hoti ka falënderuar Bashën për vizitën. Hoti tha e se e kishte njoftuar Bashën me sfidat e pandemisë si dhe për procesin e dialogut.
Kryetar i PD-së Lulzim Basha ka thënë se ndihet mirë sa herë që është në Prishtinë.
Basha gjithashtu ka përgëzuar Qeverinë e Kosovës në lidhje me planin për rimëkëmbjen e ekonomisë.
“Me paketën ekonomike që ju keni njoftuar në raport me buxhetin e Kosovës një paketë e tillë ju vendos në krye të rajonit, por në Shqipëri është edhe më kritike sa i përket ekonomisë. Po ashtu ju shprehi mbështetjen time në dialog e cila mund të ketë një përfundim me njohje reciproke”.
Basha më tutje ka thënë se një ndër vendimet e tij në rast se zgjidhet kryeministër do të jetë heqja e taksës rrugore në rrugën e kombit.
“Një ndër vendimet si kryeministër në zgjedhjet e vitit të ardhshëm do të jetë heqja e taksës në rrugën e kombit”.
Ai ka thënë se vizita nuk ka të bëjë me aktakuzat e Speciales për krime të luftës në Kosovë./InLajmi/
