Zjarrfikësit kanë luftuar me flakët që shpërthyen në orët e hershme të së shtunës brenda katedrales së qytetit perëndimor francez, Nantes.
Lajmin për këtë zjarr e bëri të ditur shërbimi zyrtar i zjarrfikësve përmes llogarisë në Twitter.
Në pamjet e publikuara në televizione shihej duke dalë tym nga objekti i ndërtuar në shekullin e pesëmbëdhjetë.
https://twitter.com/PompiersFR/status/1284380859727065089?ref_src=twsrc%5Etfw%7Ctwcamp%5Etweetembed%7Ctwterm%5E1284380859727065089%7Ctwgr%5E&ref_url=https%3A%2F%2Flajmi.net%2Fweb%2Ftweet-button
Ende nuk dihet saktësisht shkalla e dëmit të shkaktuar nga ky zjarr, shkruan Reuters.
Ky zjarr ndodhi pak më shumë se një vit pasi një zjarr i madh e kishte kapluar katedralen Notre Dame në Paris, me ç’rast ishte shkatërruar një pjesë e madhe e ndërtesës fetare.
