Ndërron jetë gjyqtari i Gjykatës Themelore të Prishtinës

Gjatë ditës së sotme ka ndërruar jetë gjyqtari i Gjykatës Themelore të Prishtinës, Shashivar Hoti, përcjell InLajmi.

Raportohet se Hoti nuk kishte i infektuar me koronavirus dhe as nuk kishte patur simptoma.

E ngushëllime për vdekjen e tij ka shprehur edhe kryetari i Lipjanit, Imri Ahmeti përmes një postimi në rrjetin social Facebook.

Postimi i plotë i tij:

TELEGRAM NGUSHËLLIMI FAMILJES HOTI

E nderuar Familje Hoti,

Me pikëllim të thellë morëm lajmin për ndarjen nga jeta e më të dashurit tuaj, Gjykatësit të njohur, z. Shashivar Hoti.

Më lejoni që në emër të të gjitha institucioneve të Komunës së Lipjanit, dhe në emër timin të ju shpreh ngushëllimet më të sinqerta për ndarjen e hershme nga jeta të Gjykatësit të departamentit të krimeve të rënda në Gjykatën Themelore në Prishtinë,
z. Shashivar Hoti.

Ky lajm na ka tronditur të gjithëve, Gjykatësi Hoti do të mbetet në kujtesë si një njeri i mirë dhe për punën e palodhshme, personaliteti tij do të jetoj në mendjen e secilit që pati fatin ta njoh.

Ngushëllime familjes Hoti, miqve, kolegëve, dhe të gjithë qytetarëve të Komunës së Lipjanit./InLajmi/