Ndërron jetë nga koronavirusi një person nga Podujeva

UD.i kryetarit të Podujevës, Nexhmi Rudari, ka shprehur ngushëllim për humbjen e mikut të tij në betejën me koronavirus, përcjell InLajmi

“Miku im para disa ditësh kishte rezultuar pozitiv me virusin Covid-19, i cili pamëshirshëm po merr jetë njerzish në mbarë botën, por edhe në vendin tonë” shkruan Rudari. përmes një postimi në rrjetin social Facebook.

Rudari ka bërë thirrje të respektohen rekomandimet e IKSHPK-së për mbrojtjen nga koronavirusi.

Postimi i plotë i tij:
U pikëllova shumë me lajmin që mora sot, për shkuarjen e hershme e të papritur në amshim të shokut tim të gjeneratës, fqiut tim të mirë, Ajfer Fetahu, i cili kishte kohë për të gjithë dhe ishte i dashur për të gjithë.
Që nga ditët e para të angazhimeve te rezistences ndaj regjimit pushtues serb, Ajferi ishte i angazhuar pothuajse në secilin proces, ndaj dhimbja për ndarjen nga jeta është shumë e madhe.
Miku im para disa ditësh kishte rezultuar pozitiv me virusin Covid-19, i cili pamëshirshëm po merr jetë njerzish në mbarë botën, por edhe në vendin tonë.
Në këto momente të dhimbjes së madhe jam me familjen Fetahu dhe bashkëndjej me ta.
Ngushëllimet e mia më të thella për humbjen e njeriut të mirë!
I përjetshëm kujtimi për Ajferin
Edhe në këto momente dhimbje u bëj thirrje qytetarëve t’u përmbahen udhëzimeve të IKShPK-së dhe ta japin kontributin në mbrojtjen e shëndetit të tyre dhe të familjeve!/InLajmi/