Deputetja e Aleancës së Ardhmërisë së Kosovës, Teuta Haxhiu, ka njoftuar se vajza e saj bashkë me disa kolegë që kishin punuar si vullnetarë në Repartin e Emergjencës janë konfirmuar pozitiv me koronavirus, përcjell InLajmi.
Lajmin e ka bërë të ditur deputetja e AAK-së përmes një shkrimi në Facebook. Ajo ka bërë të ditur se vajza e saj dhe vullnetarët tjerë kishin qe 4 muaj që po ndihmonin në emergjencë.
Postimi i plotë i saj:
Të dashur qytetarë,
Pas katër muaj përkushtimi e angazhimi vullnetar në vijen e parë kundër Pandemisë, si vullnetare ne Repartin e Emergjences, vjaza jonë Atlantida bashkë me disa kolegë shendetësor kan rezultuar pozitiv pas testit të fundit me COVID 19-të.
Unë, Tidës dhe shokëve e shoqeve të saj infermierë iu dëshiroj nga zemra që sa më lehtë ta përballojnë edhe këtë sfidë, në mënyrë që t’iu kthehen vendeve të tyre në betejën tashmë të njohur COVID-19 – të.
Shërim të shpejtë!/InLajmi/
