Kompania Rajonale Ujësjellësit “Prishtina”, kanë vazhduar me mirëmbajtjen e rrjetit të ujërave të zeza, të cilët çdo ditë intervenojnë në mbi 15 raste në sistemin e rrjetit të kanalizimit, pastrim pusetash, zhbllokime të kanalizimit , vendosje të kapakëve, përcjell InLajmi.
E për këtë, KRU “Prishtina”, ka kërkuar nga qytetarët që mos t’i hedhin mbeturinat në kanalizime.
Komunikata e plotë:
Ruajtja dhe mbrojtja e rrjetit të kanalizimit , e domosdoshme për një ambient të pastër dhe jetë të shëndetshme.
Ekipet e mirëmbajtjes së rrjetit të ujërave të zeza çdo ditë intervenojnë në mbi 15 raste në sistemin e rrjetit të kanalizimit, pastrim pusetash, zhbllokime të kanalizimit , vendosje të kapakëve ,etj.
Në këto fotografi shihet pastrimi i pusetave në rrugën “Shote Galica”, nga mbeturina e materiale të ndryshme, të ngurta e të lëngëta.
Kjo gjendje e rëndë, e pamundëson funksionimin e mirëfilltë të kanalizimeve./InLajmi/
