Ministrja e Kulturës, Rinisë dhe Sportit, Vlora Dumoshi së bashku me kryetarin e Komunës së Istogut Haki Rugova kanë inspektuar punimet në memorialin “Ibrahim Rugova”, raporton InLajmi.
Ministrja Dumoshi ka thënë se kjo hapësirë do të ketë shumë funksione.
Sipas saj, në vendlindjen e ish-presidentit do të ndërtohet edhe shtatorja e tij ku do të kenë mundësi që shumë njerëz ta vizitojnë.
Kryetari Rugova tha se kanë nisur punimet sa i përket memorialit”Ibrahim Rugova”, i cili pritet të përfundojë në shtator.
“Është duke u punuar shumë rreth këtij objekti memorial. Këtë hapësirë do ta bëjmë multi-kulturore e trashëgimisë së Ibrahim Rugovës, ku për dy muaj do ta ketë shtatoren”.
Ai kërkoi nga ministrja Dumoshi që t’i përkrahë sa i përket financimit./InLajmi/
