Qeveria e Kosovës në mbledhjen e fundit ka miratuar disa vendime për masat që do të ndërmerren në funksion të luftimit dhe parandalimit të koronavirusit, përcjell InLajmi.
Në kuadër të këtyre masave është paraparë të pezullohet veprimtaria e çerdheve publike e private.
Lidhur me këtë, kryetari i Odës Ekonomike të Kosovës, Berat Rukiqi përmes një postimi në rrjetin social Facebook ka thënë që Qeveria duhet t’i përkrahë me mjete financiare kopshtet private dhe t’i paguaj prindërit që qëndrojnë në shtëpi për t’u përkujdesur për fëmijët.
Postimi i plotë i tij:
Paralel me vendimet per mbylljen e bizneseve te caktuara, duhet te merren edhe vendime qe ndihmojne keto biznese dhe te gjithe ata qe preken nga mbyllja.
Per te gjitha veprimtarite qe po mbyllen, perfshire kopshtet, te sigurohet edhe perkrahja financiare nga Qeveria.
Nese eshte vendosur te mbyllen kopshtet, atehere paralelisht Qeveria duhet te merr vendime per:
– Perkrahje te kopshteve private me mjete financiare (paga, qira, etj);
– Mbulim te pages per prinderit qe duhet te qendrojne ne shtepi per tu kujdesur per femijet. Ne kete gjendje te rende financiare, asnje biznes nuk mund ta perballoj pagesen e dikujt qe nuk mund te jete ne vendin e punes;
– Rregullimin ligjor te punes nga shtepia. Kjo po behet e domosdoshme, me normalitetin e ri pandemik dhe post-pandemik./InLajmi/
