Sot në moshën 82-vjeçare është ndarë nga jeta veterani i arsimit dhe artisti i mirënjohur prizrenas, Ramadan Zaplluzha, i njohur si “Therrë Murrizi”.
Familjarë dhe miq të artistit kanë shprehur dhembje, respekt dhe ngushëllimet nëpër rrjete sociale.
Zaplluzha u lind më 1938 në Prizren. Pas mbarimit të Shkollës Normale në Prishtinë, u kthye për të kontribuar në arsimin shqip, fillimisht në Rahovec, Malishevë dhe në Prizren, përcjell Front.
Fushëveprimtaria e artistit dhe pedagogut Zaplluzha është e madhe, mbi 60 vjet krijimtari në vizatim, karikaturë dhe strip.
