Në Spitalin e Përgjithshëm në Pejë aktualisht janë duke u trajtuar 40 pacientë me COVID-19, kurse nga virusi janë prekur 3 mjekë specialist, 1 bio inxhiner dhe në pritje të rezultateve janë edhe shtatë pjesëtarë të personelit, përcjell InLajmi.
Spitali i Përgjithshëm në Pejë bën të ditur se 4 pacientë janë me oksigjenoterapi ndërsa 36 pacientët tjerë janë në gjendje stabile.
Më tej, në njoftim bëhet e ditur se Spitali i Përgjithshëm në Pejë ka ndërmarr masa organizative të transferimit të infermierëve nga Repartet tjera në Repartin e Infektives në mënyrë që shërbimet shëndetësore të ofrohen sa më mirë.
Njoftimi i plotë i Spitalit të Përgjithshëm të Pejës:
Në Spitalin e Përgjithshëm në Pejë aktualisht janë duke u trajtuar 40 Pacientë me Covid-19!
Trajtimi i pacientëve me Covid-19, është duke vazhduar në Spitalin e Përgjithshëm në Pejë. Kështu aktualisht po trajtohen 40 pacientë dhe nga këta 39 pacientë janë të konfirmuar përmes testit me Covid-19 ndërsa 1 pacientë është në pritje të rezultatit të testit. 4 pacientë janë në Oksigjeno terapi ndërsa që pacientët e tjerë kanë gjendje stabile. Për shkak se në Repartin Infektiv nuk ka më kapacitet për pranim të pacientëve një pjesë e pacientëve janë shtruar në Spitalin e Mushkërive. Spitali i Përgjithshëm në Pejë ka ndërmarr masa organizative të transferimit të Infermierëve nga Repartet tjera në Repartin e Infektives në mënyrë që shërbimet shëndetësore të ofrohen sa më mirë.
Aktualisht nga personeli i Spitalit tonë janë 3 Mjek Specialist dhe 1 Bio Inxhinier që janë të infektuar, ndërsa edhe 7 pjesëtarë të Personelit janë në pritje të rezultateve./InLajmi/
