Biznismeni i njohur kosovar, Ramiz Kelmendi, është deklaruar lidhur me situatën e krijuar së fundi nga koronavirusi, përcjell InLajmi.
Kelmendi përmes një postimi në Facebook renditi disa arsye që sipas tij duhet kthyer masat dhe forcuar ato edhe më shumë, lidhur me pandeminë Covid-19.
“Qytetarët po infektohen çdo ditë e më shumë, në veçanti të moshuarit. A mos vallë po e paguajnë me jetë mu kjo kategori me kujdes të shtuar dhe lëvizje të kufizuar! Kush po i infekton këta”.
Postimi i plotë i tij:
Pse duhet kthyer masat dhe forcuar më shumë ato – Masa të jashtëzakonshme
1. Qytetarët po infektohen cdo ditë e më shumë, në vecanti të moshuarit. A mos vallë po e paguajnë me jetë mu kjo kategori me kujdesë të shtuar dhe lëvizje të kufizuar! Kush po i infekton këta!
2. Qytetarët po vdesin edhe më shumë – me prapashtesën …me sëmundje tjera përcjellëse … është bërë shprehje e dëmshme. A mos edhe tejzgjatja e pandemisë zbretë nivelin e kujdesit mjekësorë, mungon ndonjë medikament – Oksigjeni, mungon kujdesi dhe aplikohen qetësues. Pra të gjitha janë të mundshme.
3. Remitancat po bien, investimet e jashtme po bien, ekonomia po bje, të punësuarit po zvogëlohen ose po reduktohet orari, europa, shtetet fqinje vendosin masa karantinimi për ne dhe për ata që na vizituan.
4. Pse duhet të dalim për të shkuar në punë edhe me masa mbrojtëse kur mundesh të infektohesh dhe të dëmtosh shëndetin deri në vdekje!? Pse duhet dikush të vrasë pa qëllim ose nga pakujdesia qytetarin i cili del për bukën e gojës.
5. Mundë të ndodhë që edhe vozitësit (ngasësit) transportues të frikësohen që të sjellin në Kosovë apo të karantinohen pas kthimit e kjo krijon kriza të tjera të dëmshme.
Të gjitha këto gjëra të ndodhura me koficient të lartë, dëmtojnë seriozisht shëndetin e qytetarit, dëmtojnë seriozisht ekonominë dhe vendet e punës, andaj, mbyllja 10 ditore ku përfshihen dy vikende javore, e përmbyllë izolimin, detektimin si dhe hapë perspektivë për kufizime kohore edhe për një javë, të atyre që nuk kanë domosdoshmëri levizjeje – Veproni sepse prej institucioneve varet!/InLajmi/
