Deputetja e Partisë Demokratike të Kosovës, Valdete Idrizi ka komentuar gjendjen pandemike të shkaktuar në vend, përcjell InLajmi.
Ajo përmes një postimi në rrjetin social Facebook tha se ne si shoqëri, akoma nuk po e marrim seriozisht këtë pandemi, akoma nuk i respektojme rekomandimet e IKSHP-së. Vazhdojmë të injorojmë masat dhe këshillat nga IKSHP-ja, vazhdojmë me tubime e ndeja. Kjo është e papranueshme, e qe besa e denueshme do të duhej të ishte.
Tutje ajo tha se Qeveria akoma nuk ka ndonjë plan se si të parandaloj shpërndarjen e virusit e le më të menaxhojë. Ajo heshtë. Qeverisë, përnime si duket i ka humbë udha në oborr.
Postimi i plotë i saj:
12 JETË TË HUMBURA NGA COVID 19, e 178 të infektuar, vetëm brenda 24 orëve. Kjo është e frikshme. Alarmante. E ne si shoqëri, akoma nuk po e marrim seriozisht këtë pandemi, akoma nuk i respektojme rekomandimet e IKSHP-së. Vazhdojmë të injorojmë masat dhe këshillat nga IKSHP-ja, vazhdojmë me tubime e ndeja. Kjo është e papranueshme, e qe besa e denueshme do të duhej të ishte.
E Qeveria? Qeveria akoma nuk ka ndonjë plan se si të parandaloj shpërndarjen e virusit e le më të menaxhojë. Ajo heshtë. Qeverisë, përnime si duket i ka humbë udha në oborr. A e dinë që kanë përgjegjësi? A po presin edhe më shumë vdekje para se të shtojnë masa të reja. Duhet reagim i shpejtë. Është dashtë edhe më herët, po kanë qenë të relaksuar.
Edhe VV-ja, që mbante prova e protesta me mijëra njerëz mu në mes të pandemisë, duke e ditë mirë rrezikun e përhapjes, mbajnë përgjegjësi. Edhe ata që organizojnë dasma, ahengje e ndeja të shumta nëpër qytet e lokale, mbajnë përgjegjësi. Edhe ata që nuk mbajnë maskë e distancë, e që nuk e ruajnë tjetrin. Edhe unë mbaj përgjegjësi nëse nuk e vendosi maskën, e nuk e ruaj tjetrin.
Të gjithë mbajmē përgjegjësi. Nuk është bre vështirë të mbajmë maskën dhe distancën fizike në vende publike, higjienën personale domosdo. Mjekët dhe i gjithë personeli shëndetsor po munden gjatë gjithë kohës, po ne, pse s’mundemi?
Të gjithë duhet të jemi të kujdesshëm, pa dallim. Kudo, e me këdo!
Respekt e përulje për mantelbardhët, të cilët pa e kursyer veten dhe familjen, përballen çdo minutë me rrezikun, dhe vazhdojnë e punojnë, të na mbrojnë!
Kujdes, kujdes, kujdes!
Ruajeni veten se sa për qeverinë, mos vet./InLajmi/?
