Kryetari i Skenderajt Bekim Jashari ka bërë të ditur se nëntë persona janë shëruar në 24 orët e fundit në këtë komunë, ndërsa janë vetëm dy raste të reja me koronavirus përcjell InLajmi.
Jashari ka treguar se pas marrjes së informatës nga IKSHP, do të ndërmarrim hapat e nevojshëm dhe tani dy rastet me infeksion do të futen në vetizolim.
Ai ka shtuar se kujdesi dhe mbajtja e higjienës personale vazhdon. Pa panik, mbani distancën dhe zbatoni masat parandaluese.
Postimi i plotë i tij:
Skenderaj, që nga shpërthimi i pandemisë më 13 mars në vendin tonë e deri më tash, ka gjithsej 36 raste me koronavirus.
9 persona të shëruar dhe 2 raste të reja me korona virus në komunën tonë.
Sapo u informuam nga IKSHP që 9 persona të infektuar me COVID-19 janë shëruar dhe po ashtu sot kemi dy raste të reja pozitive me korona virus.
Pas marrjes së informatës nga IKSHP, do të ndermarrim hapat e nevojshëm dhe tani 2 rastet me infeksion do të futen në vetë izolim.
Kujdesi dhe mbajtja e higjienës personale vazhdon!
Pa panik, mbani distancën dhe zbatoni masat parandaluese! /InLajmi/
