Komandanti i Forcës së Sigurisë së Kosovës,Rrahman Rama, në ceremoninë e diplomimit të kadetëve të Forcës së Sigurisë së Kosovës tha se e kanë detyrim të përjetshëm shërbimin me nder ndaj Kosovës, raporton InLajmi.
Rama ka inkurajuar të diplomuarit që t’i qëndrojnë besnik synimeve.
“Tani ju keni njohuri për çdo çështje, idetë dhe vlerat me rëndësi për shoqëri. Nderi është themeli i punës suaj dhe e keni detyrim të përjetshëm të shërbeni me nderë”, tha Rama.
Irfete Spahiu, komandante e Doktrinës dhe Stërvitjes, tha se asnjëherë të një ushtarak nuk ndryshon kontributi për atdhe në kohë lufte dhe në kohë paqeje.
“Ngjarje e cila është nga më të rëndësishme në kalendarin vjetor. Po bëhen më shumë se dy dekada nga koha kur populli i këtij vendi u çlirua dhe më shumë se dy dekada kur unë vendosa të bëhem pjesë e ushtrisë, por ajo çka nuk ndryshon asnjëherë te një ushtarak është për të kontribuar për atdhe dhe jo vetëm në kohë lufte por edhe paqe”.
“Të qenit kadet nuk është e lehtë sepse për katër vite do të ballafaqohesh me sfida të ndryshme. Sot është një ditë e rëndësishme dhe jo vetëm për këta 15 kadetë. Një nga këta vjen nga Republika e Shqipërisë”, u shpreh ajo.
Spahiu tha se FSK-ja tani për tani është në fazën e tanzicionit./InLajmi/
