Ministri i Shëndetësisë, Armend Zemaj edhe në ditë vikendi ka vizituar punëtorët shëndetësorë në QKUK, të cilët po punojnë pa ndalë për të shëruar të sëmurit me koronavirus, përcjell InLajmi.
Ai përmes një postimi në rrjetin social Facebook, ka falënderuar të gjithë punëtorët të cilët po punojnë pandërprerë.
Ai ka thënë se ka shkuar atje për t’i falënderuar dhe për t’i motivuar tutje.
Postimi i plotë i tij:
Profesionistët e Institutit Kombëtar të Shendetësisë Publike/ IKSHP, mjekët dhe infermierët e Klinikës Infektive në QKUK, dhe mantelbardhët në tërë Kosovën janë heronjt e sotëm.
Janë spartanët që po i shkojnë deri në fund betejës kundër Covid-19.
Këta sakrifikojnë ditë e natë, për t’iu siguruar kushtet optimale të prekurve nga Covid-19.
Këta çdo orë, e çdo ditë punojnë për ne, nuk pushojnë as edhe gjatë ditëve të vikendit.
Sot i vizitova për t’i falenderuar dhe për t’i motivuar në punën e tyre të palodhshme.
Falë tyre ne aktualisht kemi potencial për t’u përballur me virusin dhe s’duhet krijuar panik.
Ne nuk e kemi shkopin magjik e as fuqinë hyjnore që ta largojnë virusin. Por këta japin rekomandimet të bazuar në logjikën e hulumtimeve shkencore ndërkombëtare që ne duhet t’i respektojmë!
Ju faleminderit mantelbardhë!
Bashkë do të ja dalim!/InLajmi/
