Policia e Kosovës njofton se një person ka raportuar se ishte goditur me grushte nga një person tjetër, ku më pas i kishte shkaktuar lëndime trupore dhe nga xhepi ia kishte nxjerr kuletën me dokumente personale dhe 2,000 euro, përcjell InLajmi.
Sipas raportit nga policia, viktima ka pranuar tretman në QKMF-në e Skënderajit.
“Viktima mashkull kosovar ka raportuar se nga i dyshuari mashkull kosovar ishte goditur me grushte dhe pasi i kishte shkaktuar lëndime trupore nga xhepi ia kishte nxjerr kuletën dhe ia kishte grabitur kuletën në të cilën kishte pasur dokumente personale si dhe dymijë (2000) €.Viktima ka marrë tretman mjekësor në QKMF në Skenderaj. Deri me tani nuk është identifikuar vend ndodhja e te dyshuarit. Rasti nën hetime” /InLajmi/
