Për herë të parë pas 21 vjetësh përfaqësues të Këshillit të Lagjes së boshnjakëve në Mitrovicë kanë raportuar në Komisionin për të Drejtat e Njeriut, Barazi Gjinore, për Persona të Pagjetur dhe Peticione, raporton InLajmi.
Serbët në veri sipas Këshillit të Boshnjakëve po bëjnë kolonizim masiv duke blerë pronat e shqiptarëve në atë pjesë.
Deputetët e cilësuan shqetësuese këtë fakt, andaj u morë vendim që të dalin në terren për të parë gjendjen nga afër.
Përfaqësuesi i lagjes së Boshnjakëve, Fevzi Beqiri, tha se banorëve nuk iu lejohet ndërtimi i shtëpive e as posedimin e pronave, përfshirë edhe punësimin.
Siç tha ai nga 80% e banorëve tani kanë mbetur vetëm pakicë e pa përkrahje të shtetit. Mes tjerash, Beqiri tregon se kryetari i komunës as që pranon të ketë kontakt me te, pasi siç tha ai e dëshiron zmbrapsjen e shqiptarëve në veri.
“Falënderoj komisionin që për herë të parë në ftuan për të paraqitur shqetësimet tona ën veri konkretisht në lagjen e boshnjakëve si më shtëpia me prona e punësim, po kërkojmë drejtësi sikur çdo pakicë”.
“Banorëve tu lejohet ndërtimi i shtëpive ku 50 prej tyre janë të uzurpuara po bëjnë kolonizim masiv. Po blejnë prona shqiptare po ndërtojmë ndërtesa kolektive kurse te ne nuk ndërtohen sëpitë e djegura që vet i kanë djegur në vitin 1999”.
Kryetarja e komisionit, Duda Balje tha se do të ndërmarrin hapa konkret për të marrë vendime./InLajmi/
