Kompania e dytë më madhe e telefonisë mobile në Kosovë “IPKO”, i ka vënë në shitje të gjitha aksionet e saj që i ka në posedim Telekomi i Sllovenisë.
E pas daljes në shitje për ta blerë IPKO-n është edhe Telekomi i Serbisë, që ka ofruar shumën më të madhe për blerjen e kompanisë “IPKO”.
Lajmin e kanë konfirmuar edhe nga “Telekomi i Serbisë” derisa thonë se nuk mund të japin informacion më të detajuar, për shkak të marrëveshjes për mos-zbulim.
“Telekomi Serbisë” bëri një ofertë jo detyruese për blerjen e IPKO-s. Për shkak të marrëveshjes për mos-zbulim, të cilën e kemi nënshkruar në këtë proces, nuk duhet të dalim me informata më të hollësishme deri në mbylljen e tenderit. Dihet që “Telekomi i Serbisë” ka ambicie të qarta për të zgjeruar biznesin e saj, kështu që kjo ofertë është një hap tjetër në realizimin e këtij qëllimi”, deklaron kompania në një përgjigje për Tanjugun serb, transmeton Reporteri.net.
Kujtojmë se, në vitin 2018, “Telekom Srbija” bëri një ofertë për blerjen e “Telekom Albania”, e cila është në pronësi të “Deutsche Telekom”.
