Ish-deputeti Milaim Zeka sonte në Pressing ka thënë se Albin Kurti ka kontribuar në ngritjen e këtyre aktakuzave ndaj Hashim Thaçit.
‘’Albin Kurti sa ka qenë kryeministër i ka thënë prokurorit të Gjykatës Speciale bë dicka. Kurti e ka ndërtu një piramidë me urrejtje dhe akuza konkretisht ndaj Thaçit”
‘’Qëllimisht ka thënë këta janë hajna, bandita. Kjo i ka kontribu kësaj deklarate politike të prokurorit sepse e ka pa terrenin e morrave në Kosovë’’, transmeton Periskopi.
Zeka thotë se është i sigurt për këtë, për arsye se, sipas tij, është takuar sot gjatë ditës me presidentin.
“Thaçi nuk e ka pasur idenë se do të ketë sot aktakuzë, sot kam pirë kafe me të në orën 09:00 në mëngjes deri në orën 09:40, pastaj rreth orës 12:00 është nisur drejt Rinasit”, ka deklaruar Zeka në emisionin “Pressing”, në T7.
“Ai nuk do të nisej fare për në Tiranë nëse do ta dinte. Ka qenë gjatë fluturimit kur është lëshuar njoftimi”, është shprehur ai.
