Nga reshjet e mëdha të shiut, rruga ‘Jakovë Xoxa’ në Prishtinë është mbuluar tërësisht nga uji, ku pamjet që vijnë nga atje duket si një ‘liqen i vogë’.
Gjatë gjithë ditës së djeshme në Kosovë kanë rënë sasi e konsiderueshme e reshjeve të shiut.
Sipas Institutit Hidrometeorologjik të Kosovës gjatë ditës së djeshme kanë rënë shi 15 orë pa ndërprerë. Këto reshje kanë përfshirë më shumë pjesën lindore, veri-lindore dhe jug-veriore të Kosovës. Sasia e reshjeve deri në orën 12:00 të ditës së djeshme, sipas IHMK’së, ka qenë mesatarisht rreth 50 ose 60 mm reshje.
E pikërisht nga këto reshje të shumta, rruga ‘Jakovë Xoxa’ në Mati 1 në Prishtinë është mbuluar e tëra nga uji dhe është dëmtuar shumë nga këto reshje.
Qytetarët kanë publikuar fotografi nga kjo rrugë, ku shihen se sa shumë është mbuluar rruga me ujë dhe personi që e ka publikuar fotografinë e ka quajtur si ‘mini-liqen’.
Gjatë ditës së sotme në Kosovë do të ketë reshje me intensitet më të dobët vazhdojnë lokalisht edhe orëve të mëngjesit. Ditën kryesisht me vranësira dhe intervale me diell. Në mbrëmje kthjellime.
Temperaturat në vise të ulëta 15C deri 24C, e në vise malore 11C deri 17C, shkruan gazeta Metro.
Era do të fryj e lehtë dhe mesatare nga verilindja 3-7m/s. Indeksi UV: 4.
