Po vazhdon seanca e Kuvendit të Kosovës me një debat të ashpër mes pozitës dhe opozitës, por edhe mes VV-së e PDK-së, raporton InLajmi.
Deputeti i PDK-së, Memli Krasniqi ka thënë se VV-ja ka përdorur vazhdimisht gjuhë të urrejtjes dhe ofendime të shumta në Kuvend dhe se sipas tij qeveri koti është kjo qeveri dhe ishte ajo e kaluara.
Krasniqi replikoi me deputetin e VV-së, Dimal Basha duke i thënë se është partia e tij dhe e LDK-së që ishin kapur ne valle dhe i ngatërruan hapat dhe u rrëzuan.
“Ju jeni kanë në valle bashkë, i keni përzi hapat e jeni rrëzu”, ka thënë ai.
Mes tjerash, deputeti i PDK-së ka akuzuar VV-në se ka ndërruar fjalët lidhur me marrvëshjet ndërkombëtare.
“Javën e kaluar VV tha ka me i votu marrëveshjet tash tha jo si votojmë, i ka ndrru fjalët”, ka thënë mes tjerash ai./InLajmi/
