Kryetari i Komunës së Prizrenit, Mytaher Haskuka, ka njoftuar se pas ndryshimeve brenda qeverisjes lokale, ka përcaktuar shumicën prej drejtorëve të rinj të drejtorive komunale, përcjell InLajmi.
Ai tha se punën e suksesshme të deritanishme për administratë dhe shërbime efikase, shëndetësi funksionale, regjenerim urban, arsim cilësor, zhvillim të bujqësisë, mbrojtje të trashëgimisë kulturore, zhvillim të turizmit dhe të ekonomisë do të vazhdojmë me këta drejtorë:
Nënkryetarin e Komunës, z. Visar Shehu,
Drejtoreshën e Shëndetësisë, znj. Narqize Arënliu Hoxhaj,
Drejtorin e Bujqësisë dhe Zhvillimit Rural, z. Agron Limani,
Drejtorin e Shërbimeve Publike, z. Osman Krasniqi,
Drejtoreshën e Kulturës, Rinisë dhe Sportit, znj. Emilija Redzepi,
Drejtorin e Urbanizmit dhe Planifikimit Hapësinor, z. Beni Kizolli,
Drejtorin e Punës dhe Mirëqenies Sociale, z. Islam Thaqi dhe
Drejtoreshën e Ekonomisë dhe Financave, znj. Leonora Çerreti.
Sipas Haskukës, Drejtorët e rinj janë përcaktuar në bazë të eksperiencës dhe kontributit të deritanishëm në fushat e tyre profesionale, si dhe dedikimit të tyre në përmbushjen e objektivave dhe zotimeve tona qeverisëse./InLajmi/
