Presidenti i Maqedonisë së Veriut, Stevo Pendarovski, ka thënë se se një zgjidhje e mundshme ndërmjet Kosovës dhe Serbisë do të ketë efekt edhe në vendet e rajonit.
Ai tha se Maqedonia e Veriut do të kërkojë garancë ndërkombëtare, që nëse kjo zgjidhje përfshin ndryshimin e kufijve, të mos ketë efekt domino edhe në vendet e rajonit.
“Të mos harrojmë se Kosova në kufirin tonë tash e disa vite është me status të pazgjidhur ndërkombëtar”.
“Më 27 qershor pas disa viteve është njoftuar për rifillimin e negociatave se si do të përfundoj çështja apo problemi i Kosovës, si do të zgjidhet, ne dh të gjithë në rajon përreth Kosovës sigurisht që do t’i ndjejmë efektet, të mira apo të këqija, do të shohim”.
“Kam reaguar për disa ide të cilat po ndodhin në margjinat e këtij terreni deri më tani. Siç thash rifillimi i këtyre negociatave u njoftua se do të ndodh më 27 qershor, nuk po them se ndryshimi i kufirit nuk mund të jetë zgjidhja për problemin e Kosovës”.
“Pasi unë jam presidenti i Maqedonisë së Veriut, ajo që duhet të them është se ndryshimi i kufijve nuk duhet të prodhojë efektin e dominos në rajon, nuk duhet të prekë, shkelë kufijtë tanë. Ne kërkojë garanci ndërkombëtare të qarta se nëse një zgjidhje e tillë është duke folur në tryezë dhe nëse pranohet nga Beogradi dhe Prishtina”.
Pendarovski më tej ka deklaruar se është e rëndësishme që të mos ketë konflikt të ngrirë por një konflikt të zgjidhur dhe në këtë mënyrë i gjithë rajoni të hyjë në Evropë ku e ka vendin në kuptimin institucional.
“Shpresoj se do të ketë zgjidhje të shpejtë për këtë çështje dhe sinqerisht kam dëshirë të ndodhë diçka e tillë, sepse ky problem, ndër problemet e tjera e mban rajonin në mënyrë objektive të gozhduar. Është shumë e rëndësishme që të mos kemi konflikt të ngrirë por një konflikt të zgjidhur dhe në këtë mënyrë i gjithë rajoni të hyjë në Evropë ku e ka vendin në kuptimin institucional”.
“Unë jam pak i rezervuar në lidhje me periudhën kohore sepse Amerika si lojtare kryesore në sfond, është duke hyrë në periudhë parazgjedhore”.
“Praktikisht kemi të bëjmë më disa muaj para zgjedhjeve në SHBA dhe BE-ja ka ndjekur udhëheqjen e SHBA-ve. Për momentin nuk shoh ndonjë sinkronim në mes të BE-së dhe administratës së Ëashingtonit”, ka thënë Pendarovski për Radion Evropën e Lirë.
