Ish-kryeministri i Kosovës dhe kreu i Lëvizjes Vetëvendosje Albin Kurti, ka reaguar pasi kryeministri Avdullah Hoti ka lejuar mbajtjen e zgjedhjeve parlamentare të Serbisë në Kosovë.
Përmes një shkrimi në Twitter, Kurti veprimin e Hotit e ka quajtur të papranueshme.
Sipas tij, lejimi i zgjedhjeve serbe në Kosovë dhe anulimi i zgjedhjeve në dy komuna të vendit për shkak të pandemisë COVID-19, është kërcënim i demokracisë.
“Lejimi i zgjedhjeve serbe në #Kosova ndërsa zgjedhjet lokale në dy komuna anulohen me muaj për shkak të # Covid19 është e papranueshme. Qytetarët nuk do të qëndrojnë duarkryq përderisa ky President dhe ky qeveri jo legjitime kërcënoni demokracinë tonë dhe shkelni sovranitetin e vendit tonë”, ka thënë Kurti.
Ndërkaq, Hoti ka thënë se ka lejuar mbajtjen e këtyre zgjedhjeve, duke marrë për bazë praktikat e mëhershme.
Më 2017, zgjedhjet presidenciale të Serbisë janë zhvilluar në të njëjtën mënyrë në Kosovë.
https://twitter.com/albinkurti/status/1274787869337452546?ref_src=twsrc%5Etfw%7Ctwcamp%5Etweetembed%7Ctwterm%5E1274787869337452546&ref_url=https%3A%2F%2Ftelegrafi.com%2Fkurti-lejimi-zgjedhjeve-serbe-ne-kosove-e-moslejimi-zgjedhjeve-lokale-ne-dy-komuna-te-vendit-e-papranueshme%2F
