Ministri i Tregtisë dhe Industrisë Vesel Krasniqi, tha se e ka gjetur ministrinë e udhëhequr nga ish-ministrja Rozeta Hajdari me shumë punë të pakryera.
Ai për Ekonomia Online tha se “Kjo ka qenë një ministri e cila dy tri ministri të tjera kanë qenë të fuzionuara në ministrinë MEPTIMIS, ministri e cila unë konsideroj që për kohën për të cilën ka qenë aktive nuk janë kryer.
Kurse për taksën ndaj produkteve të Serbisë Krasniqi është shprehur se ajo ka arritur efektet, ndërsa për reciprocitetin e vendosur nga ish-kryeministri Albin Kurti thotë se kanë qenë veprime të cilat janë respektuar edhe më parë.
“Për kohën i ka pasur efektet e veta, tani jemi në një situatë tjetër kur Qeveria Hoti ka bërë heqjen e disa vendimeve të reciprocitetit vendime të cilat ne konsiderojmë që faktikisht kanë qenë duke u zbatuar për faktin sepse disa udhëzime administrative të cilat janë nxjerr sikur kjo e flamujve”
Ai tha që edhe miqtë tanë evropian e sidomos SHBA-ja kanë qenë pro largimit të taksës dhe reciprocitetit si kusht për të filluar dialogu në mes të Kosovës dhe Serbisë.
Krasniqi është shprehur se të hyrat vetanake shtetërore kanë pësuar rënie, kurse kanë në plan të ndajnë 180 milionë euro për të ndihmuar bizneset.
