Ramush Haradinaj uron Podujevën për 21 vjetorin e Ditës së Çlirimit

Lideri i Aleancës për Ardhmërinë e Kosovës, Ramush Haradinaj, ka uruar qytetarët e Podujevës në 21 vjetorin e çlirimit të kësaj komune, përcjell InLajmi.

Haradinaj ka falënderuar luftëtarët e brigadave 151 “Zahir Pajaziti” dhe 152 “Shaban Shala” për sakrificën e tyre në luftën e fundit.

“Përulemi me respektin më të madh për Heronjtë, Dëshmorët e Martirët e rënë”, shkroi Haradinaj.

Postimi i tij i plotë:

Prangat e robërisë thyheshin çdo ditë. Njëzetenjë vite më parë, liria erdhi edhe për Podujevën.

Falënderim për luftëtarët trima të brigadave 151 “Zahir Pajaziti” e 152 “Shaban Shala”, të cilët qëndruan deri në përmbushjen e ëndrrës së përbashkët për çlirim.

Përulemi me respektin më të madh për Heronjtë, Dëshmorët e Martirët e rënë!

I falënderojmë përjetësisht miqtë e çmuar, Shtetet e Bashkuara të Amerikës dhe Aleancën Veriatlantike.

Podujevë, urime Dita e Çlirimit! /InLajmi/