Kryetari i Aleancës për Ardhmërinë e Kosovës, Ramush Haradinaj ka mbërritur në objektin e Qeverisë ku pritet të takohet me kryeministrin Avdullah Hoti, para takimit në të këtij të fundit Washington, raporton InLajmi.
Ky takim do të zhvillohet pa praninë e Lëvizjes Vetëvendosje dhe Partisë Demokratike të Kosovës, nuk do të marrin pjesë as mediat.
Në takim me kryeministrin ka arritur edhe Duda Balje dhe Albert Kinolli nga komunitetet jo shumicë gjithashtu në objektin e Qeverisë është parë edhe zëvendëskryeministri Besnik Tahiri.
Hoti ka thirrur liderët partiakë për diskutime rreth çështjes së dialogut duke thënë se edhe pozita edhe opozita duhet të jenë në të njëjtën faqe sa i përket kësaj teme. /InLajmi/
