Chelsea ka arritur marrëveshjen me klubin gjerman, RB Leipzig për transferimin e Timo Werner, i cili pritet të iu nënshtrohet testeve mjekësore në ditët në vijim, përcjell InLajmi.
Sulmuesi gjerman është pajtuar për kontratë me kohëzgjatje pesëvjeçare me klubin nga Premierliga dhe është bërë blerja e dytë e Chelseas këtë verë, pas Hakim Ziyech nga Ajax.
Lajmin e ka konfirumar faqja zyrtare e Chelsea, ku klubi anglez është pajtuar t’ia paguajë klubit gjerman plot 50 milionë euro, ndërsa Werner do t’i fitojë 10 milionë euro në vit në Angli.
Timo Werner i ka bërë 157 paraqitje për RB Leipzig, duke i shënuar 93 gola dhe duke i dhënë 40 asiste. /InLajmi/
