Pylli është pothuaj krejt i errët dhe i heshtur.Një krijesë përvidhet për të kapur darkën e shijshme që e ka ndjekur për kaq kohë, shkruan InLajmi.
Përgatitet, bëhet gati për t’iu sulur… Por,fap!
Papritur i shfaqen përpara dy sy të stërmëdhenj,që ndriçojnë në errësirë.
Ç’të jetë? Një mace e madhe? Gjarpër? Buf? Jo,këto nuk janë gjë tjetër përveç se njolla sysh (sy të rremë)-një prej taktikave të shumta vetëmbrojtëse të kafshëve.
Shije e shpifur
Kur kafshët kanë mish me shije shumë të keqe ose mish të helmuar,kjo i mban grabitqarët larg dhe shërben si një strategji e mirë për mbrojtjen e grupit.Pasi ka kafshuar një kafshë me shije të keqe,kafshagjuetare mëson t’i dallojnë shenjat e saj paralajmëruese,si ngjyrat dhe format,dhe i qëndron larg të gjiitha preve që i duken të ngjashme.
Kafshë të blinduara
Disa krijesa nuk kanë shpejtësinë për t’u shpëtuar armiqve,apo shije të keqe për t’i larguar.Në vend të tyre ato përdorin mbrojtje thjesht fizike.Ndëe kafshët me zhguall ose guaskë të fortë janë gaforret,molusqet dhe kërmijtë,si dhe armadilët dhe pangulinët.Ata thjesht mbyllen brenda në guaskeë dhe presin deri sa kalon rreziku.
Brenda lëkurës së armadilit me tre shirita ka pllaka kockore të mbuluara me luspa të jashtme prej jeratine të brirtë.Koraca e tij është kaq e përkulshme,saqë ai mund të mblidhet në një top të ngjeshur,që asnjë grabitqar nuk ka çfarë t’i bëjë.
Bën si i ngordhur
Kur ndihet i kërcënuar,oposumi i Virxhinias shtrihet në brinjë,nxjerr gjuhën jashtë,nxjerr lëngje anale me erë të neveritshme dhe lëshon një erë kalbësire.Asnjë kafshë nuk merr mundimin ta hajë kur bën si i ngordhur.
Kjo pamje nga mbrapa e karkalecit brirëgjatë fletëpallua tregon se si,kur ai ngre krahë papritur,në to shfaqen njolla gjigante si sy për të trembur ndonjë grabitqar të mundshëm.
( Marrë nga Libri “Zbulimi i Botës së Skajshme ) /InLajmi/
