Kryetari i AAK-së, Ramush Haradinaj, ka uruar qytetarët e Gjilanit dhe të Dragashit me rastin e 21-vjetorin të çlirimit të tyre, përcjell InLajmi.
Haradinaj me anë të një postimi në facebook, kujtoi heronjtë, dëshmorët dhe martirët e këtyre dy komunave të cilët ranë heroikisht në luftë me armikun.
Postimi i plotë:
Qytetarët e Gjilanit dhe Dragashit, njëzetenjë vite më parë, nisën kapitullin e lirisë, pas dekadave nën robëri.
Kujtojmë me respekt Heronjtë, Dëshmorët e Martirët, nderojmë kontributin e luftëtarëve të Brigadës 171 “Kadri Zeka” dhe luftëtarëve nga Dragashi të rreshtuar anekënd Zonës Operative të Pashtrikut.
Falënderues gjithnjë, ndaj aleatëve ndërkombëtarë, që u bënë krah i yni në kohën kur na rrezikohej mbijetesa.
Dragash e Gjilan, Urime Dita e Çlirimit!/InLajmi/
