Një tërmet me magnitudë 5.7 e ka goditur provincën Bingol që ndodhet në lindje të Turqisë, kështu duke shkaktuar rrëzimin e një kulle ushtarake dhe lëndimin e tre personave, ku lajmin e ka konfirmuar ministri i Brendshëm, Suleyman Soylu.
Drejtoria e Menaxhimit të Fatkeqësive (AFAD) ka bërë të ditur se epiqendra e tërmetit ishte në rrethin Karliova të provincës Bingol, përcjell Klan Kosova.
Ministri Soylu përmes Twitter-it ka njoftuar se një roje e sigurisë kishte ngecur nën rrënojat e kullës së vëzhgimit, ndërsa dy të tjerë kanë pësuar lëndime të lehta trupore.
