Një aksident trafiku ka ndodhur në rrugën Prishtinë-Gjilan mesditën e së dielës, ku si pasojë kanë mbetur të lënduar tre persona.
Rastin e ka konfirmuar zëdhënësi i Policisë për rajonin e Gjilanit, Ismet Hashani.
Ai ka thënë se të lënduarit janë duke u trajtuar në Gjilan.
“Me datën 14.06.2020 rreth orës 12:30 në rrugën e Prishtinës saktësisht në hyrje të fshati Llabjan, Policia e Kosovës është njoftuar se ka ndodhur një aksident rrugor me lëndime ku të përfshira kanë qenë dy vetura që ishin duke lëvizur nga drejtimi i Prishtinës për Gjilan”, përcjell Telegrafi.
“Tre persona kanë pësuar lëndime në këtë aksident, dhe sipas raportit të mjekut në qendrën emergjente në Gjilan gjendja e tyre shëndetësore është e qëndrueshme” deklaroi Hashani
Policia e Kosovës është duke i udhëheq hetimet se si ka ardhur deri tek aksidenti.
