Me rastin e ditës së Çlirimit të Komunës të Obiliqit, Kryetari Xhafer Gashi, ka bërë të ditur që për nder të kësaj dite bë vënia e gurthemelit të Biblotekës së Qytetit, përcjell InLajmi.
Ai ka bërë të ditur që ky projekt kushtoi 272 mijë euro dhe që plani dinamik është 120 ditë pune.
Ky është postimi i plotë:
Në kuadër të Ditës së Çlirimit të Obiliqit, sot, bëmë vënien e gurthemelit për ndërtimin e Bibliotekës së Qytetit, projekt ky shumë i mirëpritur nga qytetarët tanë! Vlera e këtij projekti është 272 mijë euro dhe plani dinamik është 120 ditë pune.
Vënia e këtij gurthemeli, shënon edhe një hap të rëndesishëm në ofrimin e kushteve më të mira për fëmijët, studentët, të rinjët e të rejat, drejt rrugëtimit të tyre të dijes dhe diturisë, objekti i kësaj biblioteke do ofroj mundësi të gjitha grupmoshave që të kenë hapësirën e duhur për të kaluar kohën e lirë nëpërmjet leximit, të krijojnë ide të reja dhe të bëjnë kërkime shkencore! Biblioteka është themeli i një shteti të shëndetshëm, andaj jam jashtëzakonisht i lumtur që në Obiliq po jetësohet një projekt i tillë, i cili tregon qartë vazhdimësinë e përkushtimit të qeverisjes sime në fushën e arsimit dhe përkrahjes së të rinjve./InLajmi/
