Komuna e Gjilanit ka organizuar sot ndarjen e mirënjohjeve për sektorin e shëndetësisë, konkretisht për doktorët të cilët tashmë kanë dalë në pension pas një shërbimi të gjatë si mantelbardhë në kujdesin për shëndetin e popullatës ndër vitesh.
Kryetari i Komunës, Lutfi Haziri ka thënë se organizimi i sotëm është më tepër ceremonial, për shkak të pandemisë.
“Ju keni shërbyer në një kohë shumë të vështirë për shkak të sistemit të paraluftës që e kemi përjetuar. Gjithashtu jeni përballur me raste dhe momente shumë të vështira edhe atë të helmimit të nxënësve.”, tha ai.
Haziri tha se po e them pa modesti që mjeku nuk pensionohet kurrë, sepse ai në vazhdimësi jep dije dhe shërbim për shëndetin public
“Angazhimi dhe puna juaj në kohën sa keni shërbyer dhe rrethanat në të cilat keni punuar u jep padyshim epitetin e një gjenerate të artë. Sot ne kujtojmë gjithashtu ish kolegun tuaj tashmë të ndjerë Rexhep Sejfiu, i cili nuk është në mesin tonë” shtoi ai.
Po ashtu, ka theksuar se ky vit i kushtohet veprimtarisë kombëtare, organizative dhe rezistencës për liri të Abdullah Tahiri, me të cilin ishim në aktivitete dhe njëkohësisht edhe të burgosur./InLajmi/
