Janë shtrenguar rregullat për marrjen e patent shoferit në vend, ku Ministri i Infrastrukturës, Arban Abrashi ka njoftuar se nga tash e tutje edhe Policia e Kosovës do të jetë në mbikëqyrje të testeve, përcjell InLajmi.
Përmes një postimi në faqen zyrtare, Abrashi ka thënë se memorandum që ka nënshkruar bashkë me Ministrin e Punëve të Brendshme, Agim Veliun, do të rris transparencës në testime dhe sigurinë.
“Me mbikëqyrje të rreptë do ta godasim korrupsionin, e rrjedhimisht fuqizojmë patentë shoferët e Kosovës në vendet e BE-së”, ka shkruar Abrashi./InLajmi/
