Lëvizja Vetëvendosje, sot ka njoftuar se do të organizojnë ditën e mërgatës, ku nga orës 18:00, do të bëhet një bashkëbisedim virtual me anëtarët dhe bashkatdhetarët në të cilën marrin pjesë kryetari Albin Kurti, sekretarja organizative Vlora Haxhimehmedi dhe deputetja Fitore Pacolli, përcjell InLajmi.
Në njoftimin e VV-së thuhet se mërgata ka qenë dhe mbetet jetike për ekzistencën dhe zhvillimin e vendit, ajo është gjysma e Lëvizjes.
Ky është njoftimi i plotë:
Mërgata ka qenë dhe mbetet jetike për ekzistencën dhe zhvillimin e vendit. Ajo është jo vetëm ndihmë, por është edhe dashuri e pakushtëzuar ndaj vendit. Mërgata nuk është jashtë, ajo është gjysma e jonë.
Në kuadër të javës tradicionale të Lëvizjes sot kemi ditën e mërgatës. Prej orës 18:00 do të kemi një bashkëbisedim virtual me anëtarë e bashkatdhetarë në të cilën marrin pjesë Kryetari Albin Kurti, Sekretarja Organizative Vlora Haxhimehmedi dhe deputetja Fitore Pacolli.
Për ju bashkëatdhetarë që dëshironi të beheni pjesë e këtij bashkëbisedimi ju lutemi të kontaktoni qendrat e Lëvizjes ku jetoni.
Përherë mirënjohës,
Lëvizja VETËVENDOSJE! /InLajmi/
