Lideri i Lëvizje Vetëvendosje, Albin Kurti dje me rastin e 15 vjetorit të formimit të Lëvizjes Vetëvendosje ka mbajtur një fjalim të gjatë në tubimin e mbajtur në “Sheshin Skëndërbe” në kryeqytetin e Prishtinës, përcjell InLajmi.
Kurti ka falënderuar të gjithë pjesëmarrësit që kanë ardhur në festimin e kësaj dite si e ka quajtur Kurti të rëndësishme për Vetëvendosjen dhe shtetin e Kosovës.
Kurti ka përmendur edhe përpjekjet e partisë së tij në zhvillimindhe ngritjen e vendit.
“15 vjet janë shumë në jetën e një njeriu, por 15 vjet janë pak për të gjithë këto të arritura të Lëvizjes tonë. Edhe 21 muaj nuk janë pak, ama 21 vjet janë tepër shumë për këtë gjendje në Kosovë me kaq shumë padrejtësi në jetë e politikë dhe me kaq shumë mjerim e stagnim në ekonomi”, tha Kurti.
Lideri Vetëvendosjes u shpreh mirënjohës ndaj NATO-së dhe Shteteve të Bashkuara të Amerikës për ndihmën në kauzën për liri dhe në ndihmën e vazhdueshme për ndërtimin e një shoqërie demokratike.
“Ne jemi krenar me punën tuaj, ne jemi me ju, ju jeni me ne, sepse, jemi të bashkuar si kurrë më parë. Para 21 viteve, më 12 qershor 1999, këmbësoria e NATO-s hyri në Kosovë duke shënuar kështu zyrtarisht fundin e luftës dhe çlirimin e Kosovës”, deklaroi Kurti.
I pari i Vetëvendosjes të gjithë fjalimin e tij të gjatë e ka publikuar në faqen e tij zyrtare të facebookut. /InLajmi/
