Me siguri jeni njohur me Don Xhonin, reperin më të ri shqiptar i cili bëri namin me performancën e tij gjatë emisionit të Meriton Mjekiqit.
Xhoni bëri rep freestyle dhe publiku u dashurua me talentin e tij, duke e quajtur fenomenin e karantinës, e Don Xhoni dhe Enca po vijnë më shpejt nga ç’e prisni me një bashkëpunim!
Kanë qenë vetë ata që kanë publikuar foto të njëri-tjetrit në InstaStory dhe kaq u desh për të kuptuar ç’po gatuajnë.
Xhoni dhe Enca i kanë kërkuar fansave të heshtin edhe pak kohë nëpërmjet emoji-t me gishtin para buzëve, por kush mund të duronte më gjatë?
Projekti i ri jo vetëm që po vjen, por jemi të bindur se do të kthehet në super hit!
Nuk kemi ende një titull apo datë publikimi, mirëpo është e sigurt që kjo verë s’ka për të kaluar pa bashkëpunimin e tyre.
Vetëm 3 ditë më parë, Enca publikoi solon e saj “Ku mete”, e cila është pëlqyer goxha nga publiku dhe deri tani ka arritur 1 milion klikime në Youtube.
