Presidenti Thaçi: Ndihma e aleatëve të NATO-s për Kosovën është e patjetërsueshme

Presidenti i vendit Hashim Thaçi ka përkujtuar që sot u bënë 21 vite që Aleanca Veriatlantike është prezente në Kosovë, ku liria e vendit është shumë e rëndësishme dhe që ndihma e NATO-s është e paharrueshme, pëcjell InLajmi.

Thaçi ka falenderuar të gjithë ata që morën pjesë në çlirimin e Kosovës.

Postimi i plotë i tij

Sot u bënë njëzet e një vite çlirim. Sot, Aleanca Veriatlantike i bëri njëzet e një vite prezencë në Kosovë. Liria e Kosovës është mbi të gjitha rezultat i luftës dhe sakrificës së pashembullt heroike të burrave e grave të vendit tonë. Në këtë rrugëtim historik, ndihma nga aleatët tanë në NATO është e patjetërsueshme.

Lavdi të përjetshme të gjithë të rënëve. Falënderim të përjetshëm NATO-s, SHBA-së dhe gjithë partnerëve ndërkombëtarë. Mirënjohje të pakufishme të gjithë atyre që çdo ditë, me punë e përkushtim, angazhohen për integrimin dhe forcimin e shtetit dhe kombit tonë! HTH /InLjami/