Ish- Ministrja e Drejtësisë Albulena Haxhiu me rastin e përvjetorit të të çlirimit të Pavarësisë së Kosovës ka thënë se i përkulemi sakrificës së gjitha grave e burrave që udhëhiqeshin nga ideali i lartë e dhanë gjithçka për lirinë e Kosovës, edhe jetën e tyre, përcjell InLajmi.
Haxhiu ka thënë se u përket neve të gjallëve që të angazhohemi e të punojmë për vendin që ta kthejmë zhvillimin e përparimin dhe të mos i lejojmë pazaret me vendin
Postimi i plotë i sajë:
Sot, në 21 vjetorin e çlirimit, Kosova nuk është aty ku deshën dëshmorët tanë. Nën dritën e idealeve të tyre duhet të ndriçojë rruga jonë drejt realizimit të atyre synimeve kombëtare, ndërkaq sakrifica e tyre të jetë shtegu prej të cilit nuk duhet të devijojmë.
Na përket neve të gjallëve që të angazhohemi e të punojmë për vendin që ta kthejmë zhvillimin e përparimin dhe të mos i lejojmë pazaret me vendin tonë. Kosova nuk i ka borxh askujt, përkundrazi.
Nderime dhe respekt për të gjithë ata që kontribuan për lirinë e Kosovës.
Lavdi dëshmorëve të kombit! /InLajmi/
