Në vendin tonë janë raportuar edhe 58 raste të reja me koronavirus, teksa në gjithë vendin janë 374 raste aktive, raporton InLajmi.
Këtë e ka bërë të ditur drejtori i Institutit Kombëtar të Shëndetësisë Publike, Naser Ramadani.
Ai ka folur para mediave gjatë vizitës që kryeministri i Kosovës, Avdullah Hoti i ka bërë IKSHPK-së së bashku me ministrin e Shëndetësisë Armend Zemaj dhe atë të arsimit, Ramë Likaj.
E falenderoj kryeministrin Avdullah Hoti i cili e ka vizituar Institutin Kombëtar, teksa ju bëj apel qytetarëve që pas lehtësimit të masave ta ruajnë shëndetin tonë, dhe të të tjerëve” tha Ramadani.
Ai tregoi se rastet janë të shpërndara nga Fushë Kosova, Prishtina, Vitia, Mitrovica, Rahoveci dhe Prizreni.
E kryeministri Avdullah Hoti vlerësoi se gjendja nuk është e mirë dhe duhet të kemi më shumë kujdes./InLajmi/
