Çështja e mirëmbajtjes së kompleksëve memorialë e në veçanti atij të “Adem Jasharit” në Prekaz, është trajtuar shumëherë si pasojë e kushteve të këqija rrezikon të shembet, përcjell InLajmi.
Që pikërisht shembja të mos ndodh, sot është nënshkruar një marrëveshje në mes të Agjencisë për Menaxhimin e Komplekseve Memoriale të Kosovës dhe Fondacionit Humanitar – Labinot Tahiri.
Drejtori i AMKMK-së Bislim Zogaj sot ka pritur në takim këngëtarin, Labinot Tahirin me ç’rast e falënderoi për dhurimin e donacionit me vlerë prej 5000 eurosh nga fondacioni i tij, për mirëmbajtjen e Kompleksit Memorial “Adem Jashari”, në Prekaz.
“Këto mjete do të shfrytëzohen nga AMKMK-ja për nevojat e këtij kompleksi. Përveç kësaj z. Tahiri shprehi gatishmërinë e tij për të ndihmuar edhe në raste tjera që kanë të bëjnë me dëshmorët e Kosovës.Përmes këtij donacioni, Fondacioni Humanitar – Labinot Tahiri nderoi historinë heroike të këtij kompleksi”, thuhet në njoftimin e AMKMK-së. /InLajmi/
