Ish-Kryeministri i vendit Albin Kurti ka diskutuar për Lidhjen Shqiptare të Prizrenit, duke thënë që shumica e pushtuesve janë munduar që t’a përçajnë Kosovën, përcjell InLajmi.
Ai tha se pas shumë betejave të suksesshme kundër regjimenteve të Perandorisë, Lidhja arriti futjen nën kontroll të shumë qyteteve shqiptare: Vushtrrisë e Mitrovicës, Pejës, Prizrenit e Gjakovës. Ajo mbrojti ushtarakisht Plavën e Gucinë, Grudën e Hotin. Asnjëherë tjetër nuk kemi arritur si komb ta kemi këtë nivel.
Gjithashtu kryetari i Vetëvendosjes u shpreh se në atë periudhë të gjithë ishin bërë bashkë, për ta fuqizuar vetëdijën kombëtare, duke e vlerësuar lartë kontributin e 300 përfaqësuesve shqiptarë, që rrezikuan të mbledheshin në Prizren në vitin 1878.
“Politikanët e sotëm janë të prapambetur në krahasim me ata të Lidhjes së Prizrenit. Ata e kanë kuptuar se të bashkuar janë më të fuqishëm dhe më afër fitores andaj kanë theksuar të përbashkëtën, atë që na bën të ngjashëm, dhe janë themeluar mbi të. Lidhja e Prizrenit ka qenë shumë bashkëkohore” shkroi ndër të tjera Kurti në facebook.
Ai tha se10 qershori i Lidhjes së Prizrenit, bashkë me 28 nëntorin e Flamurit të Skënderbeut e të Pavarësisë së Shqipërisë, janë themel historik i asaj që jemi dhe kulm politik i asaj që bëhemi./InLajmi/
