Një ndër aktoret më të njohura shqiptare, Adriana Matoshi po vazhdon të shpërblehet për punën e saj, asaj i është shtuar edhe një çmim tjetër në bagazhin e saj artistik, shkruan InLajmi.
Matoshi është shpërblyer me çmimin si aktorja më e mirë në Festivalin e Francës “See A Paris”, për rolin e saj në filmin “Nëntori i Ftohtë” me regji të Ismet Sijarinës.
Lajmin për publikun e ka ndarë edhe vetë aktorja ku përvec regjisorit, ajo uron edhe vetën e saj.
“Urime Ismet, Fatmir edhe urime vetes që jemi shpërbly me cmime!”, ka shkruar aktorja.
Ky është edicioni i 5-të i këtij festivali që shfaq filmat e shteteve si Shqipëria, Bosnja dhe Hercegovina, Bullgaria, Kroacia, Greqia, Kosova, Maqedonia, Mali i Zi, Rumania, Serbia, Sllovenia dhe Turqia. /InLajmi/
