Zëvendëskryeministrja Albulena Balaj- Halimi ka vizituar pikën kufitare në Morinë, pas vendimit të Qeverisë për hapjen e kufirit me Shqipërinë, duke ju kërkuar falje shqiptarëve, përcjell InLajmi.
“Menjëherë pas vendimit të Qeverisë për hapjen e kufirit, vizitova pikën kufitare mes Kosovës dhe Shqipërisë, ku u takova me policët kufitar dhe ata të doganës të cilët më informuan mbi punën e kufirit dhe sfidat në të cilat po kalojnë” njoftoi ajo në facebook.
Balaj-Halimi tha se pa anashkaluar rrezikun për përhapjen e mëtutjeshme të virusit COVID19 dhe duke respektuar masat e reja për parandalimin e saj, bëj thirrje të gjithë qytetarëve të Republikave tona që të vazhdojnë kujdesin maksimal edhe pse fitorja e kësaj beteje duket e afërt.
Kufiri do të hapët nesër, ndërsa edhe njëherë në emër të institucioneve të Republikës së Kosovës u kërkoj falje të gjithë qytetarëve shqiptarë, pasi që kjo pikë kufitare do duhej të hapej e para./InLajmi/
