Mbrëmë në Kliniken Infektive të Qendres Klinike dhe Universitare ka ndërruar jetë një person si pasojë e sëmundjes me Covid-19, bëhet fjalë për një 71-vjeçar me inicialet Sh.G nga komuna e Vushtrrisë, shkruan InLajmi.
Me këtë rast ministri i Shëndetësisë Armend Zemaj, ka bërë thirrje që të ketë më shumë kujdes.
Zemaj u ka shprehur ngushëllime familjes së të ndjerit.
Ai po ashtu ka folur edhe për vizitën e tij në këtë komunë si një nga më të prekurat deri më tani nga pandemia Covid-19.
Postimi i plotë:
Të nderuar qytetarë, siç jeni njoftuar përmes njoftimit nga Ministria e Shëndetësisë, sot ka ndërruar jetë një qytetar me inicialet Sh.G. i lindur më 1949 me vendbanim në Vushtrri.
I ndjeri ishte prekur nga Covid 19 dhe i njejti vuante edhe nga sëmundje përcjellëse.
Sot isha në vizitë në komunën e Vushtrrisë, një nga komunat më të prekura nga virusi Covid 19 për momentin. Organet komunale atje dhe HERONJËT tonë mantil-bardhë, janë duke e bërë një punë të jashtëzakonshme për të parandaluar përhapjen e virusit.
Ngushllimet më të sinqerta familjes për humbjen e më të dashurit të tyre.
Ju lutem, të jemi më të kujdesshëm, kujdesi jonë personal është kujdes kolektiv.
Bashkë do ia dalim! /InLajmi/
